ShQO-da kópqabatty úıdiń jertólesindegi dúkennen órt shyqty
ÓSKEMEN. QazAqparat – Shyǵys Qazaqstan oblysy Glýbokoe aýdanynda kópqabatty turǵyn úıdiń jertólesinde ornalasqan dúkende órt shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 26 qańtarda Beloýsovka kentindegi ıÝbıleınaıa kóshesinde órt shyqqan. Oqıǵa ornyna birden órt sóndirýshiler attandy. Belgili bolǵandaı, qyzyl jalyn besqabatty turǵyn úıdiń jertólesinde ornalasqan dúkendi sharpyǵan.
«Qutqarýshylar 16 adamdy, onyń ishinde 4 balany evakýatsııalady. Olar ishi jyly «Vahta» avtokóligine ornalastyryldy. Sondaı-aq 3 jáne 5 jasar eki bala tútin tumshalaǵan páterden kórpege oralyp, syrtqa shyǵarylǵan», - dep habarlady vedomstvo ókilderi.
Kóp uzamaı órt sóndirýshiler jalpy aýdany 10 sharshy metrge jetken tilsiz jaýdy aýyzdyqtady. Zardap shekkender joq. Aldyn ala málimet boıynsha, órttiń shyǵýyna elektr jabdyqtaryn montajdaý jáne paıdalaný kezinde órt qaýipsizdigi talaptarynyń saqtalmaýy sebep bolýy múmkin.
