ShQO-da kópqabatty turǵyn úıdiń birinshi qabatyndaǵy bazardan órt shyqty, 250 adam qaýipsiz jerge kóshirildi
ASTANA. Jeltoqsannyń 15-i. QazAqparat - Keshe, jeltoqsannyń 14-i kúni túnde Shyǵys Qazaqstan oblysy Jańa Buqtyrma kentindegi kópqabatty turǵyn úıdiń birinshi qabatynda ornalasqan bazarda órt shyqty,
250 adam qaýipsiz jerge kóshirildi, dep habarlaıdy QazAqparat QR TJM-ǵa silteme jasap.
Mınıstrlikten habarlaǵandaı, órt 00.54 mınýtta №13-shi besqabatty turǵyn úıdiń birinshi qabatynda ornalasqan kıim bazarynan shyǵyp, ol 280 sharshy metr aýmaqqa jaıylǵan.
«Qurban bolǵandar men zardap shekkender joq. Úıdiń 250 turǵyny qaýipsiz jerge kóshirilip, olar týysqandary men «Gelıos» JShS-nyń profılaktorııine ornalastyryldy», dep atap ótti baspasóz qyzmetinen.
Tilsiz jaý TJM ShQO boıynsha Tótenshe jaǵdaılar departamenti órtke qarsy qyzmetiniń jeke quramdaǵy 14 adamnyń jáne 3 tehnıkasynyń kúshimen 4 saǵattan keıin aýyzdyqtaldy.
