ShQO-da kópirden qulap ketken er adamnyń denesi tabyldy
ÓSKEMEN. QazAqparat – Shyǵys Qazaqstan oblysy Rıdder qalasynda osydan 2 kún buryn kópirden ózenge qulaǵan adamnyń denesi tabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 14 mamyr kúni tańerteń Rıdder qalasyndaǵy qutqarýshylarǵa Sharavka ózeniniń ústindegi kópirden ótip bara jatqan er adamnyń sýǵa qulap ketkeni týraly habar túsken. Oqıǵa ornyna birden №1 mamandandyrylǵan jasaq pen polıtsııa qyzmetkerleri attanǵan.
«Qutqarýshylar sol ózenniń mańaıyn túgel sharlap shyqqanymen esh nátıje bolmady. Keıinnen olarǵa kómekke Óskemen qalasynyń jedel-qutqarý jasaǵynyń qyzmetkerleri kelgen. Іzdestirý jumystary barysynda kópirden birneshe shaqyrym jerdegi aǵash úıindilerdiń arasynan 1972 jylǵy azamattyń denesi tabyldy», - dep habarlady vedomstvo ókilderi.
