ShQO-da kópbalaly jáne turmysy tómen otbasylar úshin 150-ge jýyq jer úı salynady

ÓSKEMEN. QazAqparat – Shyǵys Qazaqstan oblysynda kópbalaly jáne turmysy tómen otbasylar úshin 150-ge jýyq jer úı salynady, dep habarlaıdy QazAqparat tilshisi.

Aımaq basshysy Danıal Ahmetov kópbalaly jáne turmysy tómen otbasylardy baspanamen qamtý máselesi boıynsha jınalys ótkizdi.

«Birqabatty Shyǵys» baǵdarlamasy aıasynda birneshe joba ázirlengen. Bul baǵdarlama óz nátıjeliligin dáleldedi. Úıler jaıly, jyly, turýǵa yńǵaıly. Búgingi tańda bul úılerde Tarbaǵataı aýdanynda – 48, Zaısan aýdanynda – 41, Ulan aýdanynda – 21, Kúrshim aýdanynda – 14, Katonqaraǵaı, Altaı, Shemonaıha aýdandarynda – 5, Samar, Glýbokoe aýdandarynda – 4 kópbalaly otbasy turady», - dedi oblys ákimi.

Danıal Ahmetov aýdan ákimderine taǵy da otbasylarmen kezdesý ótkizip, talap-tilekterin tyńdaýdy tapsyrdy.

«Taǵy jobalar daıyndaý kerek. Qurylysqa arnalǵan ýchaskelerde kommýnıkatsııa jaǵy tolyqtaı oılastyrylǵan bolýy tıis. Óńirdegi qurylys kompanııalarynda osyndaı úılerdi salý tájirıbesi bar. Sondyqtan jaqyn arada kezekti jınalys ótkizip, onda biz kópbalaly jáne az qamtylǵan otbasylar úshin 147 úıdiń qurylysyn bastaý merzimin belgileımiz», - dedi ol.