ShQO-da kópbalaly jáne az qamtylǵan otbasynan shyqqan 20 myń bala jazǵy demalyspen qamtylady
ShQO bilim basqarmasy baspasóz qyzmetiniń málimetine súıensek, oblys boıynsha jazǵy demalyspen jáne saýyqtyrýmen 1-10 synyptardyń 92 587 oqýshysy, onyń ishinde kópbalaly jáne az qamtylǵan otbasylardan shyqqan 18 967 bala qamtylmaq.
«Bul maqsatqa 116,1 mln teńge qarastyrylǵan. Óńir boıynsha qala syrtynda 19 lager bar. Balalardyń jazǵy demalysynyń jańa baǵyty – qazaq tilin tereńdetip úıretýge baǵyttalǵan «Qonaqjaı otbasy» jobasy bolyp otyr. Baǵdarlama 12-14 jas aralyǵyndaǵy oqýshylarǵa arnalǵan. Olar Katonqaraǵaı aýdanyndaǵy Órel, Katonqaraǵaı, Berel aýyldarynda 20 kún turady. Joba aıasynda tildik ortaǵa enip, týǵan ólkeniń tarıhymen, mádenıetimen tanysady», - delingen aqparatta.
Baǵdarlama 10-30 maýsym aralyǵyna eseptelgen. Barlyǵy 64 bala qatysady dep josparlanýda.
Sonymen qatar mektep janyndaǵy lagerlerde 7800 oqýshy mádenı nysandardy aralaı otyryp, Kembrıdj júıesi boıynsha qazaq, orys jáne aǵylshyn tilderin oqıdy.
