ShQO-da kópbalaly otbasynyń balalary kolledjderde tegin oqıdy
Óńirlik kommýnıkatsııalar qyzmetiniń habarlaýynsha, eópbalaly otbasynan shyqqan balalar tegin mektep formasyn, jazǵy lagerge joldama, mektepke deıingi, tehnıkalyq jáne kásiptik bilim alady.
Oblys ákiminiń orynbasary Ásem Núsipovanyń tóraǵalyǵymen, kámeletke tolmaǵandardyń isteri jáne olardyń quqyqtaryn qorǵaý jónindegi oblystyq komıssııanyń otyrysynda, kópbalaly jáne az qamtylǵan otbasylardy qoldaý jónindegi sharalar týraly baıandaldy. Kezdesý oblystyń barlyq aýdandary men qalalary úshin selektorlyq rejımde ótti.
Jańa oqý jylynda, jalpy bilim berý qorynyń qarajaty esebinen bilim ordalary mektep formasyn satyp alady. Osylaısha, kópbalaly jáne az qamtylǵan otbasylardan shyqqan 33 582 oqýshyǵa tegin mektep formasy beriledi. Osy maqsatta oblystyq bıýdjetten qosymsha 500 mln. teńge bólinetin bolady.
Sonymen qatar, ata-analardyń ótinishterin eskere otyryp, jergilikti bıýdjet qarjylandyratyn mektep formasynyń úlgisi tańdaldy. Bul kúndelikti, qysqy jáne sporttyq forma, kúrteler men aıaq kıim. Atalǵan otbasylardyń ár balasyna ata-anasynyń tańdaýymen tek bir ǵana kıim beriledi.
Bilim alýda erekshe qajettilikteri bar jáne kópbalaly otbasynan shyqqan balalarǵa mektepke deıingi mekemeler tegin. Buǵan deıin jergilikti bıýdjet balabaqshadaǵy bilim berý qyzmetin ǵana qarjylandyryp otyrǵan. Al endi búldirshinder tegin tamaqtanatyn bolady. Osy maqsatta qosymsha 266,4 mln teńge bólinedi.
Kópbalaly otbasylardan shyqqan stýdentter kolledjderde tegin bilim alady.
Bilim basqarmasy kópbalaly otbasynan, az qamtylǵan, jetim jáne ata -anasynyń qamqorlyǵynsyz qalǵan 9-11 synyp oqýshylarynyń sanyn anyqtady. Olar eńbek naryǵynda suranysqa mamandyqtar boıynsha TjKB júıesinde tegin oqytylady.
2019-2020 oqý jylyna stýdentterdi qabyldaýǵa 7 930 oryn beriledi. Ol úshin 5,4 mlrd. teńge jumsalady. Sondaı-aq, aýdandardaǵy oqýshylarǵa kásiptik baǵdarlaý jumysyn júrgizip, qajetti mamandyqty tańdaýǵa múmkindik berý kerek», - deıdi oblys ákiminiń orynbasary Ásem Núsipova.
Sonymen qatar, jınalysta jaqynda ótetin máslıhattyń kezekti sessııasynda kópbalaly otbasylarǵa qoldaý kórsetý sharalarymen qosa, kolledjderdi jabdyqtaýǵa baılanysty úsh jyldyq baǵdarlama da qoldaý tabady. Bul úshin 7 mlrd teńge bólý josparlanyp otyr.
Oblystaǵy kópbalaly jáne az qamtylǵan otbasylardan shyqqan oqýshylar jazǵy demalysqa barady. 2018-2019 oqý jylyndaǵy 1-10 synyp oqýshylarynyń sany 176 244 adamdy quraıdy. Bıyl oblysta 990 saýyqtyrý lageri jumys isteıtin bolady.
«Bıyl qalalar men aýdandardyń bıýdjetterinen 280 151 myń teńge qarajat bólindi, bul ótken jylmen salystyrǵanda 20 paıyzǵa artyq. Atalǵan otbasylar men múmkindigi shekteýli balalar jazǵy demalyspen mindetti túrde qamtylady», - dedi oblystyq bilim basqarmasynyń basshysy Saırangúl Jumadilova.
