ShQO-da kópbalaly otbasylarǵa páter kiltteri tabystaldy
Qazaqstan Respýblıkasynyń Táýelsizdik kúni qarsańynda Glýbokoe aýdanyndaǵy kópbalaly otbasylar baspanaly boldy. 12 januıaǵa jańa baspana 60 páterlik turǵyn úıden berildi
«Ulyq mereke qarsańynda sizderge jańa páterdiń kiltterin tabystap turǵanyma qýanyshtymyn. Árbir kópbalaly otbasy elimizdiń baǵa jetpes baılyǵy. Sizderge eń bastysy densaýlyq, shańyraqtaryńyzǵa bereke-birlik tileımin. Jańa úılerińizdiń ishi qýanysh pen balalardyń kúlkisine toly bolsyn!», - dedi D. Ahmetov.
Baspanaly bolǵan kópbalaly analardyń biri Aınur Jomartova kópten kútken úıin kórýge asyqty. Qýanyshy qoınyna syımaǵan áıel sheksiz alǵysyn bildirdi.
«Elbasy Nursultan Nazarbaev pen Prezıdent Qasym-Jomart Toqaevtyń qoldaýynyń arqasynda úıli bolyp jatyrmyz. Úıimiz óte úlken, ishi jaryq eken. Endi jıhaz ben turmystyq tehnıkany ákelý ǵana qaldy. Barlyǵymyz sııatyn, keń, jaıly baspanaǵa qolym jetkenine qýanyshtymyn! Kópbalaly analar atynan balalarymyzdy jaıly jaǵdaıda tárbıeleýge múmkindik syılap otyrǵandaryńyz úshin alǵys bildiremin», - dedi ol.
Aıta keteıik, osy jyldyń sońyna deıin óńir boıynsha 1038 kópbalaly otbasyn turǵyn úımen qamtamasyz etý josparlanýda.
