ShQO-da kópbalaly otbasyny úı kezeginen zańsyz shyǵaryp jibergen

ÓSKEMEN. KAZINFORM – Shyǵys Qazaqstan oblysynda úı kezeginen shyǵyp qalǵan otbasy sotqa aryz túsirgen.

ShQO soty baspasóz qyzmetiniń málimetine súıensek, sotqa shaǵym túsirgen er adam óziniń kópbalaly otbasy retinde úı kezegine turǵanyn, biraq esh sebepsiz kezekten shyǵyp qalǵanyn jetkizgen. 

Talap aryz Zaısan aýdandyq turǵyn úı-kommýnaldyq sharýashylyq, avtomobıl joldary jáne jolaýshylar kóligi bóliminiń ústinen berildi. Sot mán-jaıdy teksere kele, otbasyn memlekettik qordan turǵyn úı alý kezeginen alyp tastaýǵa zańdy negiz joq degen qorytyndyǵa keldi.

«Talapkerdiń kópbalaly otbasy ekendigi is materıaldarymen rastaldy. Sot sheshimimen otbasy qaıta kezekke qoıyldy», - delingen aqparatta.

Eske salsaq, osyǵan deıin ShQO-da kópbalaly analar kelesi jyldan bastap oblysishilik avtobýstarmen tegin júretindigi habarlanǵan.