ShQO-da kontrabandalyq qarýdyń 65 dana optıkalyq kózdeýishi tárkilendi

ÓSKEMEN. QazAqparat – Shyǵys Qazaqstan oblysyndaǵy «Maıqapshaǵaı» keden beketinde kontrabandalyq qarýdyń 65 optıkalyq kózdeýishin alyp ótpek bolǵandar ustaldy, dep habarlaıdy QazAqparat tilshisi.

«Maıqapshaǵaı» keden beketi men ShQO boıynsha Memlekettik kirister departamenti qyzmetkerleri kontrabandalyq árekettiń jolyn kesti.

Keden qyzmetkerleriniń nazaryn mobıldi ınspektsııalyq-tekserý keshenin qoldana otyryp baqylaý nátıjeleri boıynsha anyqtalǵan avtokóliktiń sýretteri aýdardy. Tereńdetilgen kedendik tekserý barysynda qarý-jaraqqa arnalǵan optıkalyq kózdeýishtiń 65 danasy anyqtalǵan. Olar kedendik resimdeýge málimdelmegen.

«Bul Eýropaǵa tranzıtpen baǵyttalǵan avtokólik. Eger eýropalyq memleketterdiń birindegi kedenshiler osyndaı «taýardy» anyqtasa qazaqstandyq kedenniń ımıdjine aıtarlyqtaı nuqsan kelýi múmkin edi. Qazirgi ýaqytta tárkilengen kózdeýishterdiń úlgileri kedendik saraptamaǵa jiberildi», - dep habarlady departamenttiń baspasóz qyzmeti.

Esterińizge sala ketsek, osyǵan deıin ShQO-da probatsııa qyzmetkerine pyshaqpen shabýyl jasaǵan er adamnyń jazalanǵanyn habarlaǵan edik.