ShQO-da kóne saq qorymdaryn zańsyz qazǵandar jazaǵa tartyldy
Byltyrdan beri Zaısan aýdany Shilikti aýylynda ornalasqan qola dáýiriniń sońyndaǵy eskertkish sanalatyn saq qorymdarynyń tonalyp jatqandyǵy jaıly buqaralyq aqparat quraldary talaı márte jazyp keledi. Jýyqta áleýmettik jelilerde zańsyz qorym qazyp, altyn izdep júrgenderdiń ustalǵany týraly aqparat tarap, qyzý talqylanǵan edi.
Atalǵan jaıtqa oraı, ShQO Polıtsııa departamenti resmı málimdeme jasady.
«Atalǵan fakti osy jyldyń 20 mamyrynda belgilengen tártippen Zaısan aýdandyq Polıtsııa bóliminde tirkeldi. 3 adam istiń anyq-qanyǵyna jetý úshin bólimshege jetkizildi. Tekserý nátıjeleri boıynsha olarǵa QR ÁQBtK-niń 463-babyna sáıkes (tıisti tirkeýsiz, ruqsatsyz nemese habarlama jibermeı kásipkerlik nemese ózge de qyzmetpen aınalysý) ákimshilik hattama toltyrylyp, 15 AEK mólsherinde aıyppul salyndy. Tekserý sharalary aıaqtalǵannan keıin materıal túpkilikti sheshim qabyldaý úshin sotqa joldanady», - delingen aqparatta.
Esterińizge sala ketsek, osyǵan deıin ShQO-da eki muǵalim masaıyp alyp oqýshylarǵa álimjettik jasaǵany týraly habarlaǵan edik.