ShQO-da kóne ánder entsıklopedııasy jaryq kóredi
ASTANA. QazAqparat - Oblys ákimi Danıal Ahmetov Shemonaıxa aýdanyna jasaǵan jumys sapary barysynda Joǵary Ýba aýylyndaǵy mektepte boldy. 300 oryndyqqa shaqtalǵan bilim shańyraǵy respýblıkalyq qazyna esebinen boı kótergen edi, dep habarlaıdy ákimniń baspasóz qyzmeti.
Aımaq basshysy jańa nysanǵa joǵary baǵasyn berdi. Ásirese, orys tili men ádebıeti páni kabınetindegi ertedegi úı ábzelderinen jınalǵan jádigerler tamsandyrdy. Ulttyq dástúrdi jańǵyrtýǵa baǵyttalǵan ustazdar qaýymynyń múddesin oblys ákimi de qoldady. Shyǵystaǵy ár mektepti xalyqtyń qundylyǵyn qasterleýge úles qosýǵa, úlgi alýǵa shaqyrdy.
«100-200 jyl buryn osy, sondaı-aq basqa óńirlerde, eldi-mekenderde qandaı án oryndalyp edi, xalyq shyǵarmashylyǵy qandaı boldy, osynyń bári buqaraǵa qyzyqty bolar edi. Sondyqtan «Týǵan jer» baǵdarlamasy boıynsha ertede babalarymyz oryndaǵan kóne ánderdiń entsıklodepııasyn jasaýdy usynamyn», - dedi Danıal Axmetov.
Oblys ákiminiń tapsyrmasy boıynsha bul ispen qazirgi tańda ShQO ýnıversıtetteri aınalysyp jatyr. Endi oǵan óńirdegi bilim shańyraqtary da atsalyssa ıgi.
