ShQO-da kómirtegi totyǵynan ýlanǵandar sany 2 jarym ese artty

Shyǵys Qazaqstan oblysynda kómirtegi totyǵynan ýlanǵandar sany 2 ese artyp otyr, dep habarlaıdy Kazinform. 

ShQO Tótenshe jaǵdaılar departamenti baspasóz qyzmetiniń málimetine súıensek, ótken jyly óńir boıynsha kómirtegi totyǵymen 35 adam, onyń ishinde 12 bala ýlanǵan. Bul kórsetkish 2,4 esege artyp otyr. Al 2024 jyldyń basynan beri barlyǵy 3 adam ýlandy. Onyń ekeýi Óskemende, bireýi Glýbokoe aýdanynda.

Kómirtegi totyǵynan qaza bolǵandar sany kerisinshe 2 ese azaıdy. 2023 jyly 4 adam kóz jumǵan. Qaıǵyly jaǵdaılar pesh paıdalaný erejeleriniń buzylýy saldarynan bolǵan.

«Azamattyq qorǵaý organdary qyzmetkerleriniń mańyzdy mindeti – azamattarǵa órt jáne kómirtegi totyǵymen ýlaný qaýpi jaıly eskertý. Jeke quram halyqqa peshti qalaı durys paıdalaný jáne baqylaý kerektigin túsindirý maqsatynda kún saıyn jer úılerdi aralap júr. Búgingi tańda 130 000-nan astam úı tekserildi. Sonyń barysynda peshti qaýipsiz paıdalaný erejeleri boıynsha nusqaýlyqtar júrgizildi», - delingen aqparatta.

Sonymen qatar úılerde órt qaýipsizdigi talaptaryn buzýdyń 22 057 faktisi anyqtaldy. TJD qyzmetkerleri usynymdarynan keıin turǵyndar 6197 buzýshylyqty sol jerde joıdy.