ShQO-da kommýnaldyq kásiporyn esepshisi 12 mln teńge jymqyrǵan
ÓSKEMEN. KAZINFORM – Shyǵys Qazaqstan oblysy Altaı aýdanynda 12 mln teńge jymqyrǵan kommýnaldyq kásiporyn esepshisi sottaldy.
Altaı aýdandyq soty baspasóz qyzmetiniń málimetine súıensek, kommýnaldyq kásiporyn qyzmetkeri óziniń jeke banktik shottaryna bıýdjet qarajatyn zańsyz aýdaryp alǵan.
«Aıyptalýshy jergilikti kommýnaldyq kásiporyndardyń birinshe esepshi bolyp jumys istegen. Óziniń qyzmettik laýazymyn asyra paıdalanǵan ol birneshe jyl boıy memlekettik bıýdjet qarajatyn jeke banktik shottaryna zańsyz aýdaryp otyrdy. Osynyń saldarynan keltirilgen shyǵyn kólemi 12 264 882 teńgeni qurap otyr», - delingen aqparatta.
Shottaǵy aqsha jetispeýshiligi anyqtalǵan soń is sotqa jetkizildi. Sot sheshimimen áıel aqsha jymqyrǵany úshin kináli dep tanyldy. Sottalýshyǵa 3 jarym jylǵa bas bostandyǵynan shekteý jazasy taǵaıyndaldy. Úkim áli zańdy kúshine engen joq.
