ShQO-da kólik qaqqan velosıpedshi kóz jumdy

ÓSKEMEN. KAZINFORM - Shyǵys Qazaqstan oblysynda kólik júrgizýshisi velosıped teýip kele jatqan jasóspirimdi qaǵyp ketti.

Oqıǵa Glýbokoe aýdanyna qarasty Tarhanka aýylynda bolǵan.

Lada markaly avtokólik rettelmegen jol qıylysynda jasóspirim velosıpedshini qaǵyp ketken. Aýyr jaraqat alǵan ol sol jerde kóz jumdy.

- Atalǵan fakti boıynsha sotqa deıingi tergeý amaldary bastaldy. Kúdikti ýaqytsha ustaý ızolıatoryna qamaýǵa alynǵan, - dep habarlady ShQO Polıtsııa departamentiniń baspasóz qyzmetinen.

Qazirgi ýaqytta istiń mán-jaıyn tolyqtaı anyqtaý úshin birqatar saraptama taǵaıyndalǵan.

Eske salsaq, osyǵan deıin jol apatyna kináli adam oqıǵa ornynan qashyp ketse ne isteý kerektigi jaıly jazǵanbyz.