ShQO-da kóliktik baqylaý ınspektsııasynyń 7 qyzmetkeri jemqorlyq úshin sottaldy
Bul týraly QazAqparat QR sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.
Agenttiktiń habarlaýynsha, olar 2021 jylǵy shilde-qyrkúıek aralyǵynda aldyn ala sóz baılasý arqyly júk tasymaldaýshylardan oblys aýmaǵy boıynsha kedergisiz júrip-turý jáne jalpy «qamqorlyq» úshin 10-nan 300 myń teńgege deıin para aldy.
ShQO jemqorlyqpen kúres qyzmeti júrgizgen sybaılas jemqorlyq táýekelderin syrtqy taldaý barysynda jaýapkershilikten jaltarýdyń jıi qoldanylatyn shemasy anyqtalǵan.
Budan basqa, taldaý barysynda ınspektorlar tekserý is-sharalary kezinde beınetirkeý tártibin saqtamaıtyny anyqtaldy. Іs júzinde barlyq jaǵdaılarda olar tek kólik quralyn toqtatý jáne qajetti qujattardy suraý protsesin tirkedi. Baqylaý rásiminiń ózi tirkelgen joq, al qolda bar 289 beınejazba boıynsha kúnder men ýaqyttarda sáıkessizdikter anyqtaldy.
Sybaılas jemqorlyq táýekelderine júrgizilgen syrtqy taldaý qorytyndylary boıynsha KBI-na sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılardy joıý boıynsha usynymdar engizildi.