ShQO-da kóliktik baqylaý ınspektsııasy basshysynyń qylmystyq áreketi áshkerelendi

ASTANA. QazAqparat - «ShQO boıynsha kóliktik baqylaý ınspektsııasy» RMM basshysynyń qylmystyq áreketi áshkerelendi, dep habarlaıdy Shyǵys Qazaqstan oblysy boıynsha Sybaılas jemqorlyqqa qarsy is-qımyl departamentiniń baspasóz qyzmeti.

«Ol óziniń qyzmettik jaǵdaıyn paıdalana otyryp, 2021 - 2022 j. aralyǵynda qyzmet múddesine qaıshy, paıda tabý maqsatynda ruqsat etilgen salmaqtyq parametrlerden asyp túsetin (artyq tıeýmen) kendi tasymaldaýmen aınalysatyn úlestes JShS-ny ákimshilik jaýapkershilikten alyp tastaǵan. Bul óz kezeginde bıýdjetke 65,5 mln. teńge somasynda alymdar túspeýge ákep soqty» delingen habarlamada.

17 qyrkúıekte Óskemen qalasynyń tergeý soty kúdiktige qatysty «kúzetpen ustaý» túrindegi bultartpaý sharasyn sanktsııalady.

Qazirgi ýaqytta sotqa deıingi tergeý júrgizilýde.

Qylmystyq is júrgizý kodeksiniń 201-babyna sáıkes ózge de aqparat jarııa etýge jatpaıdy.