ShQO-da kólikpen soqtyǵysqan mototsıkl júrgizýshisi qaza boldy
ÓSKEMEN. QazAqparat – Shyǵys Qazaqstan oblysy Rıdder qalasynda jeńil kólikpen soqtyǵysqan mototsıkl júrgizýshisi kóz jumdy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 20 qyrkúıek kúni saǵat 21.40 shamasynda «IJ ıÝpıter-5» markaly mototsıkldi tizgindegen 48 jastaǵy er adam Geolog kóshesinen Úlbi kóshesine qaraı kele jatqan.
Kenet qarsy jolaqqa shyǵyp ketip, Mazda-626 avtokóligimen soqtyǵysady.
«Jol apaty saldarynan mototsıkl júrgizýshisi sol jerde qaza bolǵan. Atalǵan fakti boıynsha Qazaqstan Respýblıkasy Qylmystyq kodeksiniń 345-baby 3-bóligimen sotqa deıingi tergeý bastaldy» dep málim etti oblystyq PD bastyǵy Saǵat Mádıev.
Qazirgi ýaqytta tergeý amaldary júrgizilip, birqatar saraptamalar taǵaıyndalǵan.
Sonyń nátıjesi boıynsha protsessýaldyq sheshim qabyldanady.
