ShQO-da kólik júrgizýshileri sándi nómir alý úshin 185 mln teńge jumsady
ÓSKEMEN. QazAqparat – Shyǵys Qazaqstan oblysynda kólik júrgizýshileri sándi nómir alý úshin 185 mln teńge jumsaǵan, dep habarlaıdy QazAqparat tilshisi.
«Azamattarǵa arnalǵan úkimet» memlekettik korporatsııasy ShQO boıynsha fılıaly baspasóz qyzmetiniń málimetinshe, óńir turǵyndary «VIP» nómirlerdi jıi satyp ala bastady. Ótken jyly kólik júrgizýshileri ádemi nómirlerge 185 mln teńge jumsaǵan.
«Máselen, 2020 jyly Semeıde 207, al 2021 jyly 298 nómir satyp alynsa, Óskemende byltyr 175, bıyl 411 nómir alynǵan. Jalpy sońǵy bir jylda aımaq jurtshylyǵy 709 sándi nómirge aqsha jumsady. «VIP» nómirlerge eń kóp shyǵyndalǵandar – Almaty qalasynyń turǵyndary (2,2 mlrd teńge). Ekinshi orynda Shymkent – 818 mln teńge, úshinshi orynda elordalyqtar – 667 mln teńge. Jalpy osy kórsetkishte Shyǵys Qazaqstan respýblıka boıynsha 7-shi orynda tur», - delingen aqparatta.
Ádemi nómirlerge eń az suranys Soltústik Qazaqstan oblysynda tirkelgen. Aımaq halqy bir jylda 45 mln teńgege 169 nómir satyp alǵan.
Aıta keteıik, «VIP» nómirlerdiń quny sandar men áripterdiń kombınatsııasyna baılanysty 174 591-den 872 955 teńge aralyǵynda satylady.
Memlekettik nómir ıesi ony úshinshi tulǵaǵa bere almaıdy nemese sata almaıdy. Al avtokólik satylǵan jaǵdaıda ıesi ony jańa kólik satyp alǵanǵa deıin 6 aı saqtaı alady.
