ShQO-da kólik tizgindep kele jatyp, qalǵyp ketken polıtseı avtobýspen soqtyǵysty
ÓSKEMEN. QazAqparat – Óskemen qalasynda kólik tizgindep kele jatyp qalǵyp ketken polıtseı avtobýspen soqtyǵysty, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 12 qarashada saǵat 12.47-de bolǵan.
«Leksýs» markaly avtokóliktiń 33 jastaǵy júrgizýshisi Úlbi ózenindegi kópirden ótip bara jatty.
«Aldyn ala málimet boıynsha rýlde uıyqtap ketken ol qarsy jolaqqa shyǵyp ketip, avtobýspen soqtyǵysqan. Sonyń saldarynan avtobýs júrgizýshisi men 4 jolaýshy túrli dene jaraqattaryn aldy. «Leksýs» kóliginiń júrgizýshisi – kezekshilikti aıaqtap, demalysta júrgen polıtsııa qyzmetkeri. Medıtsınalyq saraptamanyń qorytyndysy boıynsha onyń ishimdik ishpegeni anyqtaldy», - delingen aqparatta.
Qazirgi ýaqytta basy jaralanyp, mıy shaıqalǵan polıtseı qalalyq aýrýhanaǵa jetkizilgen.
