ShQO-da kólik qaqqan 40 jastaǵy jaıaý júrginshi kóz jumdy
ÓSKEMEN. QazAqparat – Shyǵys Qazaqstan oblysy Borodýlıha aýdanynda kólik qaǵyp ketken jaıaý júrginshi sol jerde jan tapsyrdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «Borodýlıha-Jezkent» tasjolynda kólik tizgindep kele jatqan 30 jastaǵy júrgizýshi jol jıegindegi jaıaý júrginshini qaǵyp ketken.
«Jol-kólik oqıǵasynyń saldarynan 40 jastaǵy azamat oqıǵa ornynda mert boldy. Qazirgi ýaqytta sotqa deıingi tergeý amaldary qolǵa alyndy. Birqatar sot saraptamalary taǵaıyndalǵan. Sonyń nátıjeleri boıynsha protsessýaldyq sheshimi qabyldanady», - dep habarlady vedomstvo ókilderi.
Atalǵan fakti boıynsha QR QK-niń 345-baby 3-bóligine sáıkes (Kólik quralyn basqaratyn adamnyń jol júrisi nemese kólikti paıdalaný qaǵıdalaryn buzýy saldarynan abaısyzda adam ólimine ákep soǵýy) tergeý júrgizilýde.
