ShQO-da kólik qaǵyp ketken 5 jasar búldirshin kóz jumdy
ÓSKEMEN. QazAqparat - Keshe Shyǵys Qazaqstan oblysynyń Altaı aýdanynda qaıǵyly jaǵdaı boldy. Joldan ótip bara jatqan ana men balany kólik qaǵyp ketti. Balaqaı oqıǵa ornynda qaza tapty, dep habarlaıdy Altaynews.kz.
Búldirshinniń anasy aýrýhanaǵa jetkizilgen bolatyn. Alaıda, dárigerlerdiń aıtýynsha, 36 jastaǵy áıel aýrýhanaǵa jatýdan bas tartqan.
Qazirgi ýaqytta oqıǵaǵa qatysty QR Qylmystyq kodeksiniń 345-baby 3-bóligi boıynsha sotqa deıingi tergeý amaldary júrip jatyr.
«Qajetti saraptamalar taǵaıyndaldy. Oqıǵanyń mán-jaıy anyqtalyp jatyr», – dep málimdedi ShQO polıtsııa departamentiniń baspasóz qyzmeti.
