ShQO-da kólik aýdarylyp, 4 adam zardap shekti
ÓSKEMEN. QazAqparat – Shyǵys Qazaqstan oblysy Kókpekti aýdanynda kólik aýdarylyp, 4 adam aýrýhanaǵa jetkizildi, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, kólik júrgizý quqyǵynan aıyrylsa da rólge otyrǵan 25 jastaǵy júrgizýshi jol-kólik oqıǵasyna tústi.
«LADA» markaly avtokólikti tizgindep kele jatqan er adam «Kaznakovka-Kókpekti» jolynda jyldamdyqty bekitilgen shekten asyrǵan. Kenet ol róldi basqara almaı qalyp, jol jıegine shyǵyp ketken kólik aýdarylyp tústi», – delingen habarlamada.
Jol-kólik oqıǵasynan 4 jolaýshy zardap shekken. Olar ártúrli dene jaraqattarymen aýdandyq ortalyq aýrýhanaǵa jetkizildi.
«Atalǵan fakti boıynsha QR QK-niń 345-baby 2-bóligine (kólik quralyn basqarýshy tulǵalardyń abaısyzda adamnyń densaýlyǵyna aýyr zııan keltirýge ákep soqqan jol júrisi qaǵıdalaryn nemese kólik quralyn paıdalaný qaǵıdalaryn buzýy) sáıkes sotqa deıingi tergeý amaldary bastaldy. Birqatar sot saraptamalary taǵaıyndaldy. Sonyń nátıjeleri boıynsha protsessýaldyq sheshim qabyldanady», – dedi ShQO PD bastyǵy Saǵat Mádıev.
Aıta keteıik, atalǵan qylmys úshin 2 jylǵa deıin bas bostandyǵynan aıyrý jazasy kózdelgen.
