ShQO-da kólik aýdarylyp, 1 adam kóz jumdy
ÓSKEMEN. QazAqparat – Shyǵys Qazaqstan oblysynda kólik aýdarylyp, 1 adam qaza tapty, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 43 jastaǵy er adam kólikpen Katonqaraǵaı aýdanyndaǵy «Óskemen-Rahman qaınarlary» tasjolymen kele jatqan. Jyldamdyqty ruqsat etilgen shekten asyryp jibergen ol burylysta rýldi basqara almaı qalyp, kólik jol jıegine shyǵyp, aýdarylyp tústi.
«Jol-kólik oqıǵasy saldarynan salon ishinde bolǵan 24 jastaǵy jolaýshy Katonqaraǵaı aýdandyq aýrýhanasynda kóz jumdy. Atalǵan fakti boıynsha QR QK-niń 345-baby 3-bóligine (abaısyzda adam ólimine ákep soqqan kólik quralyn basqaratyn adamdardyń jol júrisi qaǵıdalaryn buzýy) sáıkes sotqa deıingi tergeý amaldary júrgizilýde», - dep habarlady vedomstvo ókilderi.
Qazirgi ýaqytta birqatar saraptama taǵaıyndalǵan. Sonyń nátıjeleri boıynsha protsessýaldyq sheshim qabyldanady.
