ShQO-da qolaısyz kún raıy saldarynan jol jabyldy

ASTANA. KAZINFORM — «QazAvtoJol» UK Shyǵys Qazaqstan oblysynda kólik qozǵalysyn shekteý týraly shuǵyl aqparat taratty.

— 2025 jylǵy 15 sáýir saǵat 20:50–de aýa raıynyń buzylýyna baılanysty «Óskemen — Altaı — Úlken Naryn — Katonqaraǵaı — Rahman qaınary» avtojolynyń 6-166 shaqyrym aralyǵyndaǵy ýchaskesinde (Ýshanovskoe aýylynan Altaı qalasyna deıin) kólikterdiń barlyq túriniń qozǵalysyna shekteý qoıyldy, — delingen vedomstvo habarlamasynda.

Buǵan deıin Shyǵys Qazaqstan oblysy Zaısan aýdanynda qamys pen shópti sharpyǵan jalyn tolyqtaı óshirilgeni belgili boldy.