ShQO-da kóktemgi sý tasqynynyń aldyn alý úshin qandaı jumystar atqarylýda
ShQO Tótenshe jaǵdaılar departamentiniń bastyǵy Erlan Nurpeıisovtiń aıtýynsha, qazirgi tańda oblys joldarynda uzyndyǵy 495 shaqyrymdy quraıtyn 314 ýchaskede kóshkin júrý qaýpi bar.
«Qys bastalǵaly beri oblystyń kólik joldarynda 12 apattyq-qutqarý jumystary júrgizildi. Sonyń nátıjesinde toǵyz adam qutqarylyp, 35 adam evakýatsııalandy. Qar basý qaýpi joǵary 314 ýchaskede uzyndyǵy 20 676 metr qar ustaǵysh qalqandar ornatylǵan», - dedi ol.
Jıyn barysynda oblys aýmaǵyndaǵy sý tasqyny kezeńine qarsy daıyndyq júrgizý máselesi talqylandy.
«Barlyq ákimderge aıaz saldarynan jerdiń qatý tereńdigin zertteýdi tapsyramyn. Ásirese Katonqaraǵaı, Glýbokoe, Shemonaıha, Aıagóz, Altaı aýdandary erekshe nazar aýdarýy tıis. Qazirgi qardyń deńgeıi belgili, biraq aqpan aıynda da qar men boran bolatynyn eskerýimiz qajet. Senbige deıin sý tasqyny kezeńine daıyndyqtyń egjeı-tegjeıli josparyn ázirleý kerek. Barlyq sý qoımalaryndaǵy sý deńgeıin baqylaýda ustańyzdar», – dedi ShQO ákimi Danıal Ahmetov.
Jalpy Shyǵys Qazaqstan oblysynda jylytý maýsymy qalypty jaǵdaıda ótýde. Energetıka jáne turǵyn úı-kommýnaldyq sharýashylyq basqarmasy óńir qalalary men aýdandarynyń ákimdikterimen birlesip kún saıyn tıisti monıtorıng júrgizýde.