ShQO-da kóktemgi sý tasqynyna daıyndyq júrip jatyr

ÓSKEMEN. QazAqparat – Shyǵys Qazaqstan oblysynda kóktemgi sý tasqynyna daıyndyq júrgizilýde, dep habarlaıdy QazAqparat tilshisi.

ShQO Tótenshe jaǵdaılar departamentiniń mamandary men jergilikti atqarýshy organ ókilderi kóktemgi sý tasqynynyń aldyn alý úshin kún saıyn monıtorıng júrgizip jatyr. Naqty aıtqanda, olar qar qalyńdyǵy men jerdiń tońyn baqylaýda.

«Qazgıdromet» RMK oblystyq fılıalynyń aqparaty boıynsha Shyǵys Qazaqstanda qar jamylǵysynyń bıiktigi 7-den 56 sm-ge deıin. Óńirde qar eń kóp jaýǵan – Úrjar aýdany bolsa, eń az qar túskeni – Abaı aýdany. Altaı, Kúrshim, Katonqaraǵaı, Abaı, Zaısan, Kókpekti, Borodýlıha, Besqaraǵaı aýdandarynda jerdiń tońy bir metrden asady», - dep habarlady vedomstvo ókilderi.

Altaı, Katonqaraǵaı, Kúrshim jáne Úrjar aýdandarynda jerdiń qatý deńgeıi 2018 jylǵa qaraǵanda birshama artqan.

Esterińizge sala ketsek, osyǵan deıin Shyǵys Qazaqstanda 90-nan astam eldi mekendi sý basýy múmkin ekendigi habarlanǵan bolatyn.