ShQO-da kóktemde 1500-den astam adam áskerge shaqyrylady

ÓSKEMEN. QazAqparat – Shyǵys Qazaqstan oblysynda bıylǵy kóktemde 1500-den astam adam ásker qataryna shaqyrylmaq, dep habarlaıdy QazAqparat tilshisi.

Ásker qataryna shaqyrýdyń kóktemgi naýqany 1 naýryzdan 31 maýsymǵa deıingi aralyqta ótedi. Baspasóz máslıhaty barysynda ShQO Qorǵanys isteri jónindegi departament bastyǵynyń orynbasary Erkesh Bekbaev ótken jyly óńirde QR Qarýly Kúshterin jáne basqa da áskerı qurylymdaryn jasaqtaýǵa 2500-den astam azamat jiberilgenin aıtty.

«Osy kezeńde QR Ulttyq qaýipsizdik komıteti Shekara qyzmetiniń, QR Qarýly kúshteriniń, Memlekettik kúzet qyzmetiniń, Tótenshe jaǵdaılar mınıstrliginiń, QR Ulttyq ulanynyń áskerı bólimderi úshin toptar qurylady. Bıylǵy naýqanda Shyǵys Qazaqstanda 1500-den astam adamdy shaqyrý josparlanyp otyr. Azamattardy merzimdi áskerı qyzmetke shaqyrý eksterrıtorııalyq qaǵıdat boıynsha júrgiziledi», - dedi ol.

Esterińizge sala keteıik, talap boıynsha 18-27 jas aralyǵyndaǵy densaýlyq jaǵdaıy jaramdy jáne merzimdi áskerı qyzmetke shaqyrýdy zańdy túrde keıinge qaldyrmaǵan er adamdar áskerge shaqyrylady.