ShQO-da kóktaıǵaqqa baılanysty birneshe jol jabyldy
ÓSKEMEN. QazAqparat – Shyǵys Qazaqstan oblysynda kóktaıǵaqqa baılanysty birneshe jol jabyldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, aýa raıynyń nasharlaýyna, naqty aıtqanda kóktaıǵaqqa baılanysty óńirdegi eki trassa jabyldy.
«Búgin saǵat 18.00-den bastap oblystyq mańyzy bar «Semeı-Kýrchatov» tasjolynyń 4-130 shaqyrymy kóliktiń barlyq túrleri úshin jabyldy. Sondaı-aq oblystyq mańyzdaǵy «Semeı-Qaraýyl» tasjolynyń 4-182 shaqyrym aralyǵynda da kólik qozǵalysyna tolyqtaı tyıym salynǵan», - dep habarlady vedomstvo ókilderi.
Osy rette departament mamandary turǵyndarǵa alys saparǵa shyqpaýǵa, joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
