ShQO-da kókónis baǵasy birneshe ese negizsiz kóterilgeni anyqtaldy
ÓSKEMEN. KAZINFORM — Shyǵys Qazaqstan oblysynda júrgizilgen tekseris barysynda áleýmettik mańyzy bar taýarlardyń baǵasy kúrt óskeni anyqtaldy.
Zań buzý óńirge kókónis jetkizetin negizgi oryn «Dına» kóterme bazaryndaǵy elektrondyq shot-faktýralardy taldaý kezinde anyqtalyp otyr.
Qazaqstanda áleýmettik mańyzy bar azyq-túlik taýarlaryna saýda ústemesiniń shekti mólsheri satyp alý baǵasynyń 15%-ynan aspaýy tıis. Alaıda is júzinde bul kórsetkishtiń birneshe ese artqany belgili boldy.
Eń úlken aıyrmashylyq kartop baǵasynan baıqalǵan. Aqpan aıynda Abaı oblysynda kelisi 150 teńgeden satyp alynǵan ónim naýryzda Óskemende 250-280 teńgeden satylǵan. Nátıjesinde naqty saýda ústemesi 70-86%-ǵa deıin jetken.
Basqa ónimderde de satyp alý men bólshek saýda baǵasynyń arasyndaǵy aıtarlyqtaı aıyrmashylyq tirkeldi. Pavlodar oblysyndaǵy óndirýshilerden 170 teńgege alynǵan sábiz tutynýshyǵa 230 teńgege satylǵan. Al qyryqqabat 130 teńgeden satyp alynyp, 200-220 teńgege qoıylǵan.
— Ónimder keıin bólshek saýda jelilerine túsip, olarǵa qosymsha saýda ústemesi qosylǵan. Sonyń saldarynan halyq úshin túpkilikti baǵa edáýir qymbattaǵan, — dep habarlady ShQO Saýda jáne tutynýshylardyń quqyqtaryn qorǵaý departamentinen.
Anyqtalǵan faktiler boıynsha materıaldar Óńirlik komıssııa otyrysynda qaraldy. Endi jeke kásipkerler ákimshilik jaýapkershilikke tartylady. Sonymen qatar satylyp jatqan ónimderdiń baǵasyn tómendetý týraly nusqama beriledi.
Eske salsaq, osyǵan deıin benzın, dızel jáne avtogaz baǵalary qandaı ekendigin jazǵanbyz.
