ShQO-da qoqys polıgony ruqsat qujattarynsyz jumys istegen
ÓSKEMEN. KAZINFORM – Shyǵys Qazaqstan oblysynyń Zaısan qalasynda qatty turmystyq qaldyqtar polıgony qoldanystaǵy ruqsat qujattarynsyz paıdalanylǵan, dep habarlaıdy Kazinform agenttiginiń óǵirdegi tilshisi.
Zańbuzýshylyqtar jospardan tys tekserý barysynda anyqtaldy. Oblystyq ekologııa departamenti 13 sáýir kúni Zaısan qalasy ákiminiń apparatyna qatysty tekserý júrgizgen.
Tekserý qorytyndysy boıynsha polıgon aýmaǵynda jumystardyń tıisti deńgeıde uıymdastyrylmaǵany anyqtalyp, bul qatty turmystyq qaldyqtardy ornalastyrý nysandaryna qoıylatyn talaptardyń buzylýyna ákelgen.
– Polıgondy paıdalaný qoldanystaǵy ekologııalyq ruqsatsyz júzege asyrylǵan. Tekserý nátıjesinde jaýapty laýazymdy tulǵalar ákimshilik jaýapkershilikke tartylyp, anyqtalǵan zańbuzýshylyqtardy joıý týraly nusqama berildi, – dep habarlady ekologııa departamenti.
Vedomstvo óńirdiń qorshaǵan ortasyna teris áser etetin nysandardyń qyzmetin anyqtaý jáne jolyn kesý jumystary aldaǵy ýaqytta da jalǵasatynyn atap ótti.
Buǵan deıin ákimdikter men kommýnaldyq qyzmet ókilderi ruqsatsyz qoqys úıindilerine baılanysty jaýapkershilikke tartylǵany habarlanǵan edi.
Al Ekologııalyq talaptardy buzǵany úshin Pavlodarda 8 ákim aıyppul tóledi.
