ShQO-da qoǵamdyq tamaqtaný oryndary mereke kúnderi jumys isteıdi
ÓSKEMEN. QazAqparat – Shyǵys Qazaqstan oblysynda qoǵamdyq tamaqtaný oryndary mereke kúnderi jumys isteıdi, dep habarlaıdy QazAqparat tilshisi.
Búgin ShQO Bas memlekettik sanıtarlyq dárigeri mindetin atqarýshynyń jańa qaýlysy jarııalandy.
«Azyq-túlik satpaıtyn saýda obektileri, sýpermarketter, gıpermarketter, saýda úıleri, ǵımarat ishinde jáne ǵımarattan tys ornalasqan azyq-túlik satpaıtyn bazarlar (toltyrylýy 30%-dan aspaǵan jaǵdaıda), menshik nysanyna qaramastan jabyq sport obektileri (sport keshenderi, sport mektepteri, sport klýbtary, klýb komandalarynyń jattyǵý zaldary), jabyq qurylystardaǵy muz aıdyndary, fıtnes-ortalyqtar, SPA ortalyqtar, monshalar, saýnalar, basseınder, kitaphanalar, murajaılar jeksenbiden basqa kúnderi jumys isteıdi. Sondaı-aq mádenıet obektileri, sulýlyq salondary men shashtarazdar (aldyn ala jazylý boıynsha) aptasyna 6 kún ashyq bolady», - delingen qujatta.
Ǵımarat ishinde jáne ǵımarattan tys ornalasqan azyq-túlik bazarlary jeksenbiden basqa kúnderi saǵat 07.00-den 19.00-ge deıin jumys isteıdi.
Esterińizge sala ketsek, óńirdegi karantındik shekteýler 30 jeltoqsanǵa deıin qaıta uzartylǵan bolatyn. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.
