ShQO-da qoǵamdyq oryndarda sanıtarlyq talaptardyń saqtalýy tekserildi
ShQO polıtsııa departamenti baspasóz qyzmetiniń málimetine sensek, tártip saqshylary monıtorıng toptarymen birge reıdterge shyǵýda. Top músheleri dúkenderge, shashtaraz ben adam kóp shoǵyrlanatyn jerlerge tekserý júrgizip jatyr.
Belgili bolǵandaı, azamattar kóbine medıtsınalyq maska kııý jáne áleýmettik araqashyqtyqty saqtaý erejelerin elemeıdi.
«Óskemen men Semeı qalalarynda jáne oblystyń eldi mekenderinde karantın shekteýleriniń kúsheıtilýine baılanysty sanıtarlyq-profılaktıkalyq is-sharalardyń saqtalýyn baqylaý maqsatynda halyq kóp shoǵyrlanatyn jerlerge udaıy tekserý júrgiziledi. Turǵyndarǵa sanıtarlyq-epıdemıologııalyq talaptardy saqtaýǵa, atap aıtqanda kóshege shyqqanda medıtsınalyq maska kıip júrý qajettigin eske salamyz», - dep habarlady vedomstvo ókilderi.
PD málimetinshe, atalǵan profılaktıkalyq jáne epıdemııaǵa qarsy sharalar aımaq turǵyndary arasynda koronavırýstyń taralýyn báseńdetedi.
