ShQO-da balalardyń nebári 20%-y vaktsına alǵan
ÓSKEMEN. KAZINFORM – Shyǵys Qazaqstan oblysynda balalarǵa vaktsına salý kórsetkishteri tómen.
Óńir boıynsha profılaktıkalyq ekpe saldyrý boıynsha josparly kórsetkishter tolyq kólemde tek bir jasqa deıingi balalar arasynda ǵana oryndalǵan. Bul týraly ShQO sanıtarlyq-epıdemıologııalyq baqylaý departamentinen málim etti.
- Jyl basynan bergi úsh aıda nárestelerdiń 96 paıyzy BTsJ vaktsınasyn alǵan. Al V gepatıtine qarsy ekpe 93,8 paıyz balaǵa salynǵan. Alaıda basqa vaktsınalar boıynsha jaǵdaı áldeqaıda tómen. Máselen, AKDS jáne Hib vaktsınalarynyń bastapqy keshenin nebári 14,5 paıyz bala alǵan. Pnevmokokk ınfektsııasyna qarsy ekinshi dozamen qamtý – 14,2 paıyz ǵana, - delingen aqparatta.
Bir jastaǵy balalar arasynda da kórsetkishter joǵary emes. Pnevmokokk ınfektsııasyna qarsy úshinshi ekpe 13,7 paıyzdy qurasa, qyzylsha, qyzamyq jáne epıdemııalyq parotıtke qarsy vaktsınatsııa deńgeıi 20,4 paıyzdan aspaǵan. Polıomıelıtke qarsy tórtinshi doza 12,8 paıyz balaǵa ǵana salynǵan.
Eki jasqa deıingi jáne alty jastaǵy balalar arasyndaǵy ekpe kórsetkishteri de 20 paıyzdan tómen. Al 16-17 jastaǵy jasóspirimder arasynda ADS-M vaktsınasymen qamtý nebári 16,2 paıyzdy quraǵan.
Jyl basynan beri oblysta 62 turǵyn ekpe alýdan bas tartqan. Kópshiligi muny jeke ustanymymen baılanystyrsa, keıbirine vaktsınalar týraly jaǵymsyz aqparat pen senimsizdik áser etken.
Eske salsaq, osyǵan deıin Qyrǵyzstanda 11 jastaǵy qyzdardyń 91%-y APV-ǵa qarsy vaktsına alǵany habarlanǵan.
