ShQO-da qyzylsha juqtyrǵandar sany 200-den asty

ÓSKEMEN. KAZINFORM – Shyǵys Qazaqstan oblysynda qyzylsha juqtyrǵandar sany 200-den asyp ketti.

Búgingi tańda óńir boıynsha 219 adam qyzylsha juqtyrdy. Naýqastardyń 49,3%-y eresekter, 35,1%-y 14 jasqa deıingi balalar, 15,5%-y jasóspirimder.

«Syrqattanǵandardyń deni ekpe almaǵandar nemese vaktsınatsııa týraly málimetteri joq adamdar. Naqty aıtqanda, 7 adam - josparly vaktsınatsııa jasyna jetpegender, 24 patsıent medıtsınalyq qarsy kórsetilimderge baılanysty ekpe saldyrmaǵandar, 33 adam vaktsınatsııadan bas tartqandar, 4 naýqas ekpe alý múmkindigin ótkizip alǵandar. Al 44 adam vaktsına alsa da aýyrsa, 107 adamnyń ımmýndyq mártebesi belgisiz», - deıdi ShQO Sanıtarlyq-epıdemıologııalyq baqylaý departamenti basshysynyń orynbasary Sáýle Slıamǵazına.

Onyń aıtýynsha, ótken jyldyń 6 qarashasynan bastap 6-11 aılyq balalarǵa qyzylshaǵa, qyzamyqqa jáne parotıtke qarsy vaktsına salý naýqany júrgizilýde. Jeltoqsan aıynan egý mártebesine qaramastan 2-4 jastaǵy balalar da vaktsına alýda.

Sol ýaqyttan bastap osyǵan deıin oblys boıynsha 6-dan 11 aıǵa deıingi 3482 bala, 2-4 jastaǵy 19 935 bala ekpe saldyrdy.