ShQO-da Qyzyl kitapqa engen qusty ustap alǵan turǵynǵa qatysty qylmystyq is qozǵaldy

ÓSKEMEN. KAZINFORM – Shyǵys Qazaqstan oblysynyń turǵyny kóligine Qyzyl kitabyna engen ıtelgini salyp bara jatqan jerinen ustaldy.

ShQO Polıtsııa departamenti baspasóz qyzmetiniń málimetine súıensek, tártip saqshylary reıd barysynda «Sýzýkı» avtokóligin toqtatqan. Tekserý kezinde kólikten QR Qyzyl kitabyna engen bir ıtelgi jáne tuzaq retinde paıdalaný maqsatynda alty kógershin tabylyp, tárkilendi.

- Ustalǵan 55 jastaǵy óńir turǵyny barlyq mán-jaıdy anyqtaý úshin polıtsııa bólimine jetkizildi. Sırek kezdesetin jáne joıylyp ketý qaýpi bar janýarlar túrlerimen zańsyz aınalysý faktisi boıynsha QR QK-niń 339-baby 1-bóligimen sotqa deıingi tergeý bastaldy, - delingen aqparatta.

Qustar Óskemen qalasyndaǵy memlekettik zoobaqqa tapsyrylǵan.

Eske salsaq, osyǵan deıin Óskemende úleskerlerden 1,8 mlrd teńge alǵan qurylys kompanııalarynyń basshylary sottalǵany habarlanǵan.