ShQO-da qyzǵylt sary túske boıalǵan ózenge qatysty tekserý júrgizilip jatyr
ÓSKEMEN. KAZINFORM – Shyǵys Qazaqstan oblysynda qyzǵylt sary túske boıalǵan ózenge qatysty ekologtar tekserý júrgizip jatyr.
Áleýmettik jelide Glýbokoe aýdany Maloýbınka aýyldyq okrýgindegi Karagýjıha aýylynda túsirilgen vıdeo tarady. Onda Snegırev kenishine jaqyn ornalasqan ózenniń qyzǵylt sary túske boıalǵany kóringen.
Kýágerlerdiń aıtýynsha, ózenniń qyzǵylt sary túsi ásirese joǵarǵy aǵysynda anyq baıqalǵan. Al tómengi aǵysqa qaraı, kópir mańynda sý qalypty túsine engen.
Osy jaǵdaıǵa qatysty ShQO Ekologııa departamentinen jaýap berdi.
- Karagýjıha ózeninen sý synamalary alyndy. Qazirgi ýaqytta zerthanalyq saraptama júrgizilip jatyr. Zertteý nátıjeleri tolyq daıyn bolǵannan keıin taldaý qorytyndylary týraly qosymsha aqparat beriledi, - dep habarlady vedomstvo ókilderi.
Eske salsaq, osyǵan deıin BQO-da Shaǵan ózeninde sýdyń túsi ne sebepti ózgergenine ekologııa departamentinen jaýap bergen bolatyn.
