ShQO-da qysta tótenshe jaǵdaılar kezinde jedel áreket etý úshin 900-den astam tehnıka ázirlendi
ÓSKEMEN. KAZINFORM — Shyǵys Qazaqstan oblysynda qys kezinde 7 jylytý pýnkti jáne 1 trassalyq medıtsınalyq-qutqarý pýnkti jumys isteıdi.
Sınoptıkterdiń boljamyna sáıkes, qys kezinde óńirde aýa raıy qubylmaly bolady. Jyldamdyǵy sekýndyna 20 metrge deıin jetetin qatty jel soǵady.
— Shyǵys Qazaqstanda kólik joldaryn qysqy kútimge daıyndaý úshin 957 tehnıka daıyndalyp, qalalar men aýdandarǵa klımattyq erekshelikterine sáıkes teń bólingen. Respýblıkalyq mańyzy bar joldarǵa «QAJservıs» JShS ShQOF-nyń 103 tehnıkasy qyzmet kórsetedi. Oblystyq mańyzdaǵy joldardy kútip-ustaýǵa «OblShyǵysJol» JShS-nyń 119 tehnıkasy tartylady. Aýdandyq joldar men eldi mekenderdiń kóshelerinde 735 tehnıka jumys isteıdi, — dep habarlady ShQO TJD baspasóz qyzmetinen.
Sondaı-aq 140 myń lıtr janar-jaǵarmaı men kóktaıǵaqqa qarsy materıaldar, 50 tonna tehnıkalyq tuz jáne 800 tonna kómir daıyndalǵan.
— Tótenshe jaǵdaılar bolyp jatsa jedel áreket etý úshin 7865 adam jáne 913 tehnıka, onyń ishinde qar tazalaý, ınjenerlik jáne evakýatsııalyq tehnıka saqadaı saı. 7 jylytý pýnkti jáne Prıvolnoe aýylynda 1 trassalyq medıtsınalyq-qutqarý pýnkti jumys isteıdi, — delingen aqparatta.
Eske salsaq, osyǵan deıin SQO-da qys qarsańynda 4 myń shaqyrym jol tekserilip, birqatar kemshilik anyqtalǵany habarlanǵan.