ShQO-da qys bastalǵaly 37 ret qar kóshkini túsirildi

ÓSKEMEN. KAZINFORM – Shyǵys Qazaqstan oblysynda qys mezgili bastalǵaly 37 ret qar kóshkini túsirildi

ShQO tótenshe jaǵdaılar departamenti baspasóz qyzmetiniń málimetine súıensek, óńirde búgin kezekti ret jasandy jolmen qar kóshkini túsirildi.

- Qar jol jaýyp, «Óskemen-Tarǵyn-Samar» jáne «Óskemen-Altaı» tasjoldarynyń mańaıynda kóshkin júrý qaýpi artty. Soǵan baılanysty TJM «Qazseldenqorǵaý» mekemesi fılıalynyń mamandary qar kóshkininiń aldyn alý jumystaryn júrgizdi. Taýda jarylys jasalyp, eki ýchaskeden 14760 tekshe metr qar shyǵaryldy, - delingen aqparatta. 

Qys maýsymy bastalǵaly beri oblysta 37 ret kóshkin júrgizilip, jalpy kólemi 31980 tekshe metr qar túsirildi. 

Eske salsaq, osyǵan deıin Shyǵys Qazaqstan oblysynyń qutqarýshylary qys kezinde taýǵa shyqqanda qandaı qaýipsizdik erejelerin saqtaý kerektigin eske salǵany habarlanǵan.