ShQO-da qyrkúıekte kún sýytyp, qar aralas jańbyr jaýady

ÓSKEMEN.KAZINFORM — Shyǵys Qazaqstan oblysynda jaz aıaqtala salysymen aýa raıy kúrt ózgeredi.

«Qazgıdromet» RMK málimetinshe, bıyl óńirde kúz baıaýlap emes, birden bastalmaq. Qyrkúıek aıynyń alǵashqy onkúndiginde túngi aýa temperatýrasy +2…+7 °C shamasynda bolady. Al kúndiz salystyrmaly túrde jyly aýa raıy saqtalady — +21…+26 °C.

Ekinshi onkúndikte aýa raıy aıtarlyqtaı ózgermeıdi. Túnde salqyn tússe, al kúndizgi temperatýra +16…+21 °C shamasynda qubylady. Bul on kúnniń sońynda qysqa merzimdi azdaǵan jylymyq kútiledi.

— Aıdyń eń sýyq kezeńi — úshinshi onkúndikte. Osy kezde oblystyń shyǵys aýdandarynda jáne taýly aımaqtarynda túnde synap baǵanasy -6 °C deıin kórsetse, kúndiz aýa temperatýrasy +10…+15 °C shamasynda ǵana bolady. Aımaqtyń ońtústiginde ǵana salystyrmaly jyly aýa raıy saqtalady. Atap aıtqanda, keı jerlerde +26 °C deıin jylytýy múmkin, — delingen aqparatta.

Aı kóleminde jaýyn-shashyn mólsheri qalypty deńgeıde bolady dep boljanyp otyr. Degenmen, naızaǵaı soǵyp, burshaq jaýyp, daýyl bolýy múmkin. Al úshinshi onkúndiktiń ortasynda taýly aımaqtarda qar aralas jańbyr jaýýy yqtımal.

Eske salsaq, taıaýda aýa sapasy nasharlaǵan qalalar sany kúrt artqan bolatyn.