ShQO-da kıiz úıler qalashyǵy boı túzedi
ÓSKEMEN. QazAqparat - Búgin Óskemenniń sol jaǵalaýdaǵy bóliginde kózdiń jaýyn alatyn kıiz úıler qalashyǵy boı túzedi. Oblys ortalyǵynda kúndiz HІH Halyqtyq sport oıyndarynyń ashylý saltanatyna arnalǵan kıiz úıler baıqaýy ótti.
Oblystyń 19 aýdanynyń árqaısysy óziniń avtorlyq kıiz úıin usynyp, onda baıqaýdyń basty sharttaryn - qazaqtyń tarıhyn, mádenıetin, salt-dástúrlerin pash etýge tyrysty, «kelin túsirý» «besikke salý», «tusaý kesý» tárizdi salttardy kórsetip, besik jyry men toı jyrlaryn shyrqady.
Kıiz úılerde ulttyq taǵamdarǵa toly dastarhandar da jaıyldy. Sondaı-aq kópshilikke qymyzdy, baýyrsaq pen qurtty ázirleý barysy kórsetildi. Munda qonaqtardy qazaqtyń burynǵy dástúri boıynsha qarsy aldy. Kıiz úıler qalashyǵyn aralap kórgen oblys ákimi Danıal Ahmetov ár kıiz úıdiń qurylýyna qatysty izgi nıetin bildirip, jurtshylyqty aýqymdy sporttyq merekeni tamashalaýǵa shaqyrdy. ShQO-daǵy HІH Halyqtyq sport oıyndary keshke «Shyǵys» stadıonynda ashyldy, dep habarlady ákimdikten.
