ShQO-da kenshi qar kóshkininiń astynda qalyp kóz jumdy
NUR-SULTAN. QazAqparat - «Shyǵystústimet» JShS Artemev óndiristik keshenine qarasty «Kamyshenskıı» karerinde jazataıym oqıǵa tirkeldi, dep habarlaıdy QazAqparat tilshisi.
«2020 jylǵy 18 qańtarda saǵat 10:00 shamasynda karer erneýinen kóshken qalyń qardyń astynan qazandyq qyzmetkeriniń denesi tabyldy», - delingen kompanııanyń habarlamasynda.
Oqıǵanyń sebepteri men jaǵdaılary anyqtalýda. Qaıǵyly oqıǵany tergeý maqsatynda arnaıy komıssııa quryldy.
KAZ Minerals Tobynyń basshylyǵy men ujymy qaza bolǵan qyzmetkerdiń týǵan-týystaryna kóńil aıtyp, qaıǵylaryna ortaqtasady.
