ShQO-da kene shaqqan bala demalys bazasynan aýrýhanaǵa jetkizildi
ÓSKEMEN. QazAqparat - Shyǵys Qazaqstanda Buqtyrma sý qoımasynyń jaǵasyndaǵy demalys bazasynda 9 jastaǵy balany kene shaqqan, dep habarlaıdy QaAqparat tilshisi.
«Ádil» demalys bazasynda tynyǵyp jatqan balanyń ata-anasy mańaıda dáriger bolmaǵan soń «Alqyzyl jelken» balalar lagerinen kómek suraǵan. Lager dárigeri balanyń basynan keneni shyǵarǵanymen, kenege qarsy ekpe egý qajet bolǵan.
«Ýaqyt joǵaltpaý úshin jaqyn mańdaǵy aýrýhanaǵa sýmen tóte jetý kerek edi. Osylaısha, qutqarýshylar balany qaıyqpen jaǵaǵa jetkizdi. Jaǵada jedel járdem kóligi kútip turǵan. Olar balany aýrýhanaǵa apardy. Qazir kene shaqqan bala tolyqtaı dárigerlerdiń baqylaýynda», - delingen oblystyq tótenshe jaǵdaılar departamenti taratqan aqparatta.
