ShQO-da kelesi jylytý maýsymyna daıyndyqqa 20,9 mlrd teńge bólindi

ÓSKEMEN. KAZINFORM – Shyǵys Qazaqstan oblysynda kelesi jylytý maýsymyna daıyndyqqa 20,9 mlrd teńge bólindi.

Oblysta bıylǵy jylytý maýsymy shtattyq rejımde ótti. Qazirgi ýaqytta kelesi maýsymǵa daıyndyq jumystary júrgizilip jatyr. Bul týraly ShQO Energetıka jáne turǵyn úı-kommýnaldyq sharýashylyq basqarmasynyń basshysy Nurlan Ramazanov málim etti.

«Shyǵys Qazaqstan oblysynda úsh jylý elektr ortalyǵy, 33 aýdandyq jáne 201 avtonomdy qazandyq, 1017 shaqyrym jylý jelileri, 5212 shaqyrym sý qubyry jáne káriz jelileri, 652 shaqyrym elektr jelisin aldaǵy qysqa daıyndaýdyń naqty jospary ázirlendi. Aldaǵy jylytý maýsymyna daıyndyqqa qarastyrylǵan qarajattyń jalpy kólemi – 20,9 mlrd teńge. Onyń ishinde qazandyqtardyń barlyq túrlerin jóndeýge 12,4 mlrd teńge jumsalmaq», - deıdi ol.

Ótken jyly Rıdder JEO-da jóndeý-qalpyna keltirý jumystary júrgizildi. Sol jumystarǵa 500-den astam adam tartyldy.

«Qabyldanǵan sharalar ortalyqtyń tozýyn 16,8 paıyzǵa, jylý jelileriniń tozýyn 3,2 paıyzǵa azaıtýǵa múmkindik berdi. Bıyl QR Úkimetiniń qoldaýymen Rıdder JEO-da qazandyq agregattary, týrbogeneratorlar men jylý jelileriniń 55 ýchaskesinde jóndeý jumystaryn jalǵastyrý josparlanyp otyr», - deıdi Nurlan Ramazanov.