ShQO-da kelesi aıdan bastap suıytylǵan gaz baǵasy ózgerýi múmkin
ÓSKEMEN. KAZINFORM – Shyǵys Qazaqstan oblysynda aqpan aıynan bastap suıytylǵan gaz baǵasy ózgeredi dep josparlanǵan.
Búginde óńir boıynsha gazben júretin kólik sany – 5644, gazǵa qosylǵan úı sany - 226. 2025 jyldyń birinshi toqsanynda Shyǵys Qazaqstanǵa qajetti gaz kólemi 9141 tonna dep belgilengen.
Shyǵys Qazaqstan oblysy Energetıka jáne turǵyn úı-kommýnaldyq sharýashylyq basqarmasynyń málimetine súıensek, Energetıka mınıstri buıryǵynyń jobasyna sáıkes gaz óńdeý zaýyttarynda suıytylǵan munaı gazynyń shekti kóterme baǵasyn arttyrý josparlanyp otyr.
- Osylaısha, 1 aqpannan bastap oblystaǵy janarmaı quıý beketterinde gaz baǵasy lıtrine 84 teńgeden 102 teńgege deıin, al shalǵaıdaǵy eldi mekenderde 89 teńgeden 107 teńgege deıin kóteriledi dep josparlanǵan, - deıdi basqarma basshysy Nurlan Ramazanov.
Eske salsaq, osyǵan deıin Astanada avtonomdy jylý qazandyǵy bar turǵyn úıler gazǵa aýystyrylyp jatqany habarlanǵan.