ShQO-da «Qajyrly eńbek – tabys kilti» jobasynyń jeńimpazdary marapattaldy
ÓSKEMEN. QazAqparat – El Táýelsizdiginiń 30 jyldyǵy aıasynda ótken «Qajyrly eńbek – tabys kilti» jobasynyń jeńimpazdary marapattaldy, dep habarlaıdy QazAqparat tilshisi.
«Rýhanı jańǵyrý» qoǵamdyq damý ınstıtýtynda QR Táýelsizdiginiń 30 jyldyǵyna oraı uıymdastyrylǵan qajyrly eńbektiń arqasynda jetistikke jetken tulǵalardyń «Qajyrly eńbek – tabys kilti» atty elektrondy flaerler ázirleý jobasynyń jeńimpazdary marapattaldy.
«Atalmysh jobanyń maqsaty – halyqty eńbekke baýlý, adal qyzmet etýge umtyldyrý, rýhanı qundylyqtardy keńinen dáripteý. Sondaı-aq bul arqyly táýelsizdiktiń 30 jyly ishinde ár salada qajyrly eńbektiń arqasynda jetistikke jetken adamdardyń tájirıbesin el arasynda nasıhattaý kózdelgen. Jobaǵa bilim berý, ǵylym, medıtsına, mádenıet, aýyl sharýashylyǵy jáne ónerkásip salalary boıynsha uzaq jyl ter tókken adamdar qatysty», - delingen ShQO Aqparat ortalyǵy taratqan málimette.
6 sala boıynsha qatysýshylar ózderiniń kásibı biliktiligi men ómirbaıany, qyzmeti jáne jetistiktikteri týraly aqparattardy Ruh.kz portalynyń @ruh_qz Instagram paraqshasynda #qajyrlyeńbek #vydaıýşıısıaýspeh heshtegterin qoldana otyryp posttar jarııalaǵan. Barlyǵy 654 post jarııa etildi.
Shyǵys Qazaqstan oblysy boıynsha baıqaýǵa qatysqan úmitkerlerdiń ishinen aýyl sharýashylyǵy, bilim berý jáne ónerkásip salalarynan Qýanysh Súleımenov (mal sharýashylyǵy kásipkeri), Lıýbov Popova - (óndiristik oqytý sheberi), Babagýmar Baıbýsınov (balqytýshy) jeńimpaz atandy.
