ShQO-da qazaq tili páni muǵalimderiniń biliktiligi arttyrylmaq
Aımaq basshysy Danıal Ahmetov qala jáne aýdan ákimderimen, basqarma basshylarymen jınalys ótkizdi. Onda bilim, medıtsına salalaryna qatysty birqatar másele talqylandy.
«Jýyqta orys mektepterindegi qazaq tili jáne qazaq mektepterindegi orys tili muǵalimderi testileýden ótti. Ókinishke qaraı, barlyq ustazdar jaqsy nátıje kórsetken joq. Sondyqtan pedagogtardyń kópshiligi S.Amanjolov atyndaǵy ShQMÝ bazasynda biliktilik arttyrý kýrstarynan ótip, onda qazaq tilin oqytýdyń jańa ádistemesin meńgeredi. Bizdiń negizgi maqsatymyz - oqýshylardy memlekettik tilde erkin sóıleý deńgeıine jetkizý. Ata-analar maǵan balalarynyń qazaq tilin úırengisi keletini týraly jıi jazady», - dedi oblys ákimi.
Onyń aıtýynsha, kóptildilik baǵdarlamasy aıasynda oqýshylar aǵylshyn, frantsýz jáne nemis tilderin úırenýde jaqsy jetistikterge qol jetkizýde. Dese de memlekettik tilge erekshe nazar aýdarý kerek.
«Óńirde 56 medıtsınalyq mekeme PACS júıesine qosylǵan. Bul naýqastarǵa dıagnoz qoıýǵa múmkindik beretin jasandy ıntellekt. Qazirdiń ózinde 84 myń zertteý júrgizildi. Eń bastysy, júıe patsıentterdi ártúrli klınıkalarǵa barýǵa májbúr etpeı, ýaqytta únemdeıdi. Júıeniń ishinde barlyq test nátıjeleri, rentgen jáne MRT sýretteri jáne basqalary saqtalǵan», - dedi Danıal Ahmetov.