ShQO-da qaza bolǵan órt sóndirý bólimshesiniń qyzmetkerine qatysty is sotqa jetti
ÓSKEMEN. KAZINFORM — Shyǵys Qazaqstan oblysy Katonqaraǵaı aýdanynda polıtsııa qaza bolǵan órt sóndirý bóliminiń qyzmetkerine qatysty isti sotqa jiberdi.
Oqıǵa bıyl qańtar aıynda bolǵan. Marqumnyń áıeli óz sózinde kúıeýine № 21 órt sóndirý bólimshesinde pyshaq jaraqaty keltirilgeni, al áriptesteri polıtsııaǵa nemese jedel járdemge habar bermeı, ony aýrýhanaǵa ózderi jetkizgenin málim etti.
— Joldasyma pyshaq jaraqatyn salý faktisi boıynsha jáne osy oqıǵadan keıin Katonqaraǵaı aýdanynyń № 27 órt sóndirý bóliminiń laýazymdy tulǵalary men medıtsına qyzmetkerleriniń áreketterine qatysty jan-jaqty tekserý júrgizýdi talap etemin. Qazirgi ýaqytta kináli adam áli de tıisti jazasyn alǵan joq. Osyǵan baılanysty atalǵan jaǵdaı basynan aıaǵyna deıin tolyq ári obektıvti túrde tergelse deımiz. Sondaı-aq sottyń istiń barlyq mán-jaıyn jan-jaqty eskerip, zańǵa sáıkes ádil sheshim shyǵarýyn talap etemin, — deıdi Merýert Qaıratqyzy.
Al oblystyq polıtsııa departamentiniń málimetinshe, atalǵan fakti boıynsha kúdikti tulǵaǵa qatysty jábirlenýshiniń ólimine ákep soqqan aýyr dene jaraqatyn salý deregi boıynsha sotqa deıingi tergeý júrgizilgen.
— Qylmystyq is máni boıynsha qaraý úshin Katonqaraǵaı aýdanynyń sotyna joldanǵan, — delingen aqparatta.
Eske salsaq, osyǵan deıin Almaty kóshesinde pyshaq ustap júrgen er adam aýrýhanaǵa jatqyzylǵany habarlanǵan.
