ShQO-da qaıtys bolǵan zeınetkerdiń máıiti páterde 8 kún jatqan
ÓSKEMEN. QazAqparat – Shyǵys Qazaqstan oblysy Glýbokoe aýdanynda qaıtys bolǵan zeınetkerdiń máıiti páterde 8 kún jatqan, dep habarlaıdy QazAqparat tilshisi.
Glýbokoe aýdany Opytnoe pole aýylyndaǵy kópqabatty úı turǵyndary polıtsııaǵa podez ishinde máıittiń ıisi shyǵyp turǵanyn habarlaǵan. Bul ıis jalǵyzbasty qart áje turatyn páterden sezilgen. Oqıǵa ornyna tártip saqshylary jedel jetken.
«Belgili bolǵandaı, zeınetker qaıtys bolyp, máıit páterde 8 kún jatyp qalǵan. Jalǵyzbasty ájeniń eshkimi bolmaǵan. Marqumǵa qarsy eshqandaı qylmystyq áreket jasalmaǵan», - dep habarlady ShQO Polıtsııa departamentiniń baspasóz qyzmetinen.
Jergilikti turǵyndardyń aıtýynsha, ákimdik dezınfektsııa sharalaryn júrgizgenimen podez ishinen ıis áli ketpeı tur.
