ShQO-da qaı jerlerde qurbandyq shalýǵa bolady

ÓSKEMEN. KAZINFORM – Shyǵys Qazaqstan oblysynyń qala- aýdandarynda qurbandyq shalýǵa bolatyn 13 jer belgilendi.

Bul týraly óńirdiń bas ımamy Dýman Saıfýllın málim etti.

- Merekege daıyndyq aıasynda oblystyń qala-aýdandarynda qurbandyq shalýǵa arnalǵan 12 resmı jer bekitildi. Jergilikti atqarýshy organdarmen kelisilgen sol oryndar sanıtarlyq talaptar men qaýipsizdik normalaryna tolyq saı keledi, - deıdi ol.

Qurban shalýǵa arnalǵan oryndardyń tizimi:

• Óskemen qalasy – Atyǵaı asýy, Almaty-Óskemen tasjoly boıy (Ulan aýdany aýmaǵy, baılanys munarasynyń mańy);
• Rıdder qalasy – D.Qonaev atyndaǵy meshit;
• Altaı aýdany – «Tenar» sharýa qojalyǵy, Tolstov kóshesi, 4;
• Glýbokoe aýdany – «Shahan-Ata» qojalyǵy, Berestov kóshesi;
• Zaısan aýdany – «Karavan» bazary, Baıtov kóshesi, 34;
• Katonqaraǵaı aýdany – Abaı kóshesi, 82;
• Kúrshim aýdany – Abylaıhan kóshesi, 1;
• Samar aýdany – Aqqala aýyly (Abaı kóshesi, 68) jáne Marınogorka aýyly (Proletarskaıa kóshesi, 14);
• Tarbaǵataı aýdany – Aqjar aýyly, «Taýke» mal soıý alańy, Rysqulov kóshesi, 82;
• Ulan aýdany – Atyǵaı asýy, Óskemen-Ulan tasjolynyń boıy;
• Úlken Naryn aýdany – Úlken Naryn aýyly, Gornyı kóshesi, 8/1;
• Shemonaıha aýdany – Vokzalnaıa kóshesi, 236.

Al Marqakól aýdanynda qurban shalýǵa arnalǵan oryn bıyl qarastyrylmaǵan.

Eske salsaq, osyǵan deıin Almatyda qurbandyq shalatyn 12 oryn belgilengeni jaıly jazǵanbyz.