ShQO-da qaı aýdandardyń ákimi saılanatyny belgili boldy
ÓSKEMEN. QazAqparat – Shyǵys Qazaqstan oblysynda eki aýdan ákimi saılanady, dep habarlaıdy QazAqparat tilshisi.
Búgin óńir ákimdiginde Shyǵys Qazaqstan oblysy máslıhatynyń kezekten tys altynshy sessııasy ótti. Sessııaǵa usynylǵan kún tártibi – oblystyń pılottyq óńirleriniń tizbesin jáne aýdan, oblystyq mańyzy bar qala ákimin saılaýdy ótkizý kúnin belgileý.
Depýtattar bıyl ákim saılaýy ótetin pılottyq aımaqtar retinde Glýbokoe jáne Altaı aýdandaryn usyndy. Saılaý kúni 5 qarashaǵa belgilendi.
Eske salsaq, Memleket basshysy Qasym-Jomart Toqaev aldaǵy eki jylda aýdan jáne oblystyq mańyzy bar qala ákimderiniń saılaýy ótetindigin aıtqan bolatyn.
Al Abaı oblysynda Kýrchatov qalasy men Abaı aýdany ákimderiniń saılaýy ótetindigin habarlaǵan edik.
